Karriera e Kylian Mbappe do të ishte ndërtuar në Londër në një ekip të madh, nëse përzgjedhësit e talenteve do të kishin qenë më të aftë. Kampioni i botës në moshën 13-vjeçare ka qenë në prove te skuadra e Chelsea por specialistët e klubit anglez nuk u bindën rreth aftësive të tij.
Serge Daniel Boga, ish- “scuat” i Chelsea ka zbuluar një prapaskenë të 6 viteve më parë kur Mbappe udhëtoi drejt Londrës me mamanë e tij, për të zhvilluar një provë në akademinë e Chelsea. Ata i kërkuan atij që të rikthehej për një provë të dytë. Ndërkohë, në këtë moment nëna e Mbappe refuzoi:
“E ftova bashkë me familjen e tij për të kaluar një periudhë prove të Chelsea. Që atë kohë kishte cilësitë që ka edhe sot. Luajti kundër Charltonit dhe fitoi 7-0. Pas një jave, e ftuam në zyrë dhe i thamë: i vlerësojmë shumë cilësitë e tua, por duhet të vish për një provë të dytë dhe më pas do të vendosim. Më kujtohet reagimi i nënës së tij në gjuhën franceze dhe unë duhej ta përktheja. Ajo tha: më dëgjo, djali im nuk do të vijë më, nëse ata e duan, duhet ta marrin tani, në të kundërt, pas 5 vitesh do t’u duhet të paguajnë 50 milionë paundë.
Ai kishte shumë talent, por në Angli donin lojtarë punëtorë, që luanin sa në mbrojtje në sulm. Në atë kohë, ai nuk ishte i tillë. Në fazën mbrojtëse linte për të dëshiruar. Kur merrte topin, ishte i pabesueshëm, por në lojën pa top nuk punoi mirë”.
Që nga ai moment talenti francez iu bashka akademisë së Monakos, dhe më shumë se një vit ai luan me kampionët francezë të PSG-së.
