AMA kanë shtyrë me 4 muaj fikjen e sinjalit analog për transmetimet televizive. Lajmi është përcjellë nga kreu i AMA-s, Gentian Sala.
Me anë të një deklarate për mediat, ai u shpreh se fikja e sinjalit do të shtyhet më 15 janar të vitit 2019.
Duket se ky vendim ishte i pritshëm, pasin qytetarët u gjetën të papërgatitur nga kjo situatë. Sinjali do të ndizet sërish dhe do të fiket më 15 janar.
Sinjali i transmetimeve analoge u ndërpre dje në orën 10:00 për qarkun e Tiranës dhe Durrësit. Shumë qytetarë kanë shprehur pakënaqësi për vendimin e AMA-s, për të shkëputur transmetimin e valëve në analog, pasi të gjithë paguajnë taksë për të ndjekur të paktën RTSH-në.
