Tre të rinj kanë mbetur të plagosur, si pasojë e një aksidenti që është shënuar mbrëmjen e djeshme, në Bilisht. Mjeti tip ‘Benz’ me të cilin ata udhëtonin, është përplasur me një mur dhe ka dalë nga rruga.
Drejtuesi i mjetit ka marrë plagë më të lehta, ndërsa dy të rinjtë e tjerë paraqiten më rëndë në reanimacion. Nën kujdesin e bluzave të bardha ndodhen shtetasit me inicialet E.D, 22 vjeç; K.M, 22 vjeç dhe A.A, 22 vjeç, të tre banues në fshatin Cangonj-Devoll.
Dy të parët, ndodhen në reanimacion për momentin. Ndërsa shtetasi A.A, ndodhet jashtë rrezikut për jetën.
“Më datë 09.09.2018, jemi njoftuar se në hyrje të qytetit të Bilishtit, drejtuesi i një mjeti tip “Benz”, me targa AA107TL, ka humbur kontrollin e mjetit dhe ka dalë nga rruga.
Për pasojë ka marrë dëmtime drejtuesi, si edhe 2 pasagjere në mjet, të cilët u transportuan në Spitalin e Korçës, për të marrë ndihmë mjekësore.
Grupi hetimor po punon për sqarimin e rrethanave të ngjarjes”.
