Edhe pse është 36 vjeç, gjiganti suedez nuk e ka ndërmend që të tërhiqet nga futbolli. Apo e thënë ndryshe ofertat që vijnë në drejtim të tij nuk e lejojnë që ta bëjë diçka të tillë. Aktualisht Zlatan Ibrahimovic aktivizohet në Shtetet e Bashkuara të Amerikës me LA Galaxy dhe është duke dhuruar spektakël e shumë gola. Mosha për të nuk është aspak problem, pasi sa herë zbret në fushë jep më të mirën dhe ndihmon skuadrën me golat e tij, shpeshherë të jashtëzakonshëm.
Por duket se edhe në SHBA eksperienca e tij nuk do të zgjasë dhe për shumë kohë, por që edhe nuk do të jetë e fundit. Një ofertë e jashtëzakonshme ka mbërritur në drejtim të suedezit nga presidenti i një klubi në Egjipt.
Ende nuk ka detaje sa i takon shifrave, por e gjitha mund të bëhet realitet në muajin dhjetor, muaj ky ku rritet edhe mundësia për t’u larguar nga Amerika. Klubi që ka shprehur interes për ish-lojtarin e Kombëtares së Suedisë është i njohur si Pyramids FC.
