Shumë të dhëna kontradiktore po jepen për ekzekutimin e 30-vjeçarit në Shkodër, e ndërsa me viktimën kanë qënë pranë miku i ngushtë dhe djali i xhaxhait, ndaj të cilëve është qëlluar gjithashtu me breshëri automatiku.
https://tiranatoday.com/te-afermit-e-biznesmenit-te-vrare-mbahen-12-ore-ne-komisariat-zbardhen-deshmite-tronditese/
Po kështu burime ende jo zyrtare thonë se pista kryesore ku janë përqëndruar hetimit e policisë lidhen me një ngjarje të një viti më parë. Arjan Ferracaku dhe familja e tij janë pronarë të Hotel “Fantazia” në Shkodër, dhe një vit më parë janë përfshirë në një konflikt me biznesin fqinj. Konflikti ka qenë i përmasave të mëdha pranë këtij hoteli, i cili ndodhet pranë Urës së Bunës, aq sa është dashur ndërhyrja e policisë. Gjithashtu burime nga Policia e Shtetit i thanë “Report Tv” se ka dyshime që ndaj Arjan Ferracakut të jetë vendosur gjobë nga një grup kriminal në Shkodër, i cili është shumë aktiv kohët e fundit. Por kjo gjobë jo vetëm nuk është paguar nga 30-vjeçari, por ai madje as nuk e kishte marrë parasysh.
Ekzekutimi nga një grup kriminal
Vrasja e Arjan Ferracakut, sipas të dhënave nga grupi hetimor, besohet se është ndërmarrë nga një grup kriminal, i mirëstrukturuar në Shkodër. Policia ka të dhëna për këtë grup, emrat e të cilëve vitin e fundit janë përmendur edhe publikisht, por deri më tani nuk ka persona të shoqëruar nga ata. Arjan Ferracaku ishte një emër i njohur në qytetin verior, dhe është nipi i ish deputetes së Partisë Socialiste, Mimoza Hafizi, po ashtu edhe kushëriri i ish-deputetes së majtë, Mirela Ferracaku.
Dy dëshmitarë mund të kenë njohur autorët
Ka dy dëshmitarë që besohet se mund të kenë njohur autorët, dhe këta persona janë marrë në mbrojtje. Për policinë ata konsiderohen çelësi i zbardhjes së ngjarjes. Sipas burimeve nga grupi hetimor, kanë qenë dy autorë, ku fillimisht 30-vjeçari është qëlluar nga një distancë më shumë se 30 metër, pasi ishte mbi kalë dhe më pas atentatorët janë afruar përsëri dhe e kanë qëlluar nga afër, rreth 15 herë. 10 të shoqëruarit e tjerë në polici, nuk kanë dhënë detaje që mund të zbulojnë personat që vranë 30-vjeçarin.
Autorët i kanë marrë Arjan Ferracakut portofolin dhe telefonin, dhe këtë gjë dyshohet se e kanë bërë që ngjarja të duket si grabitje. Por fakti që kanë qenë dy persona, që e kanë qëlluar fillimisht nga larg dhe më pas nga afër, tregon se kemi të bëjmë me një vrasje mafioze. /shqiptarja.com
