E bujshme/Real Madrid arrin akordin, 180 milionë euro për…

Nga Argjentina vjen “bomba” e merkatos së verës. Kur mbeten dhe pak orë nga përfundimi i merkatos në disa liga, është duke u përgatitur një lëvizje e madhe dhe në lojë është një emër i madh, Real Madrid. Madrilenët akoma nuk kanë gjetur futbollistin e duhur që të veshë fanellën me numrin 7, të cilën e mbante Cristiano Ronaldo.

Por sipas gazetarit të gazetës argjentinase “Diario Ole”, Mauricio Hidalgo, Real Madrid ka arritur akordin me Juventusin që të transferojë Paulo Dybalën brenda 31 gushtit për një shumë 180 milionë euro.

Akoma nuk ka asgjë zyrtare, por nga informacionet që vijnë nga Argjentina, flitet që Dybala do të fitojë 16 milionë euro në sezon dhe do të jetë në qendër të projektit të trajnerit Lopetegui, pasi do të mbartë edhe një fanellë të rëndë, atë me numër 7, që Ronaldo ka shkruar histori.