Viti që lamë pas për Barcelonën nuk ishte ndër më të mirët, pavarësisht se u shpallën kampion në La Liga. Dështimi i tyre në Champions league, në atë natë për tu harruar përballë Romës ka ngelë në mendjen e katalanasve dhe ishte kapiteni Messi që u shpreh pak ditë më parë se atje duhet të ishte vëmendja më e madhe.
Por duket se nuk është i këtij mendimi Gerard Pique i cili shprehet se Barcelona ka objektiv të gjithë titujt. Po ashtu mbrojtësi katalan në një intervistë për “Pokerstarts” ka vlerësuar skuadrën e Real Madrid, por ka surprizuar edhe me ftesën që i ka bërë Paul Pogba që të bashkohet me Barcelonën.
Ka ndryshuar ndonjë gjë te Messi që kur ka marrë shiritin e kapitenit?
Messi ishte lider i skuadrës dhe nuk kishte nevojë për shiritin. Kjo është qesharake të pyesësh nëse e ka ndryshuar fakti i të qenit kapiten. Ka shumë vite që është lider.
Mendoni se Reali është më i dobët me largimin e Ronaldos?
Ata e kanë nisur kampionatin me dy fitore dhe kanë luajtur mirë. E njohim mirë Lopeteguin nga puna në kombëtare. Mendoj se Madridi është një ekip që tani po ndërtohet në bazë të grupit dhe jo të individualiteteve.
Si e komentoni fjalën e Messit, i cili tha se duhet të mobilizohemi maksimalisht për Champions-in?
Ky titull është më i rëndësishmi sepse luajnë skuadrat më të mira të kontinentit, por ka shumë pak ndeshje dhe rrezikon të mbetesh jashtë. Do të ishte vetëvrasje nëse do të fokusohemi vetëm te Champions-i sepse me mënyrën tonë të të luajturit duhet të përqendrohemi te kampionati dhe te kupa. Nuk kemi fituar kurrë Championsin pa fituar kampionatin. La Liga është shumë e rëndësishme për të parë se ku mund të shkojmë.
Po e ndiqni atë që po ndodh në Mançester. Mendoni se Pogba do të ishte një goditje e zgjuar pas problemeve me Mourinhon?
Nuk jam shumë i informuar çfarë po ndodh në skuadrat e tjera. Pogba është një lojtar i madh dhe është i United. Të shohim në të ardhmen nëse ndryshon skuadër, por do të ishte mirë të vinte. Do të na bënte të lumtur për të ardhmen, por ta respektojmë si lojtar i United.
