Futbolli shpeshherë përveç spektaklit që dhuron në fushën e blertë, ka edhe momente qesharake. Një rast i tillë ka ndodhur edhe në Rumani, ku protagonist është bërë një trajner. Ai ka penguar me këmbë njërin nga kundërshtarët i cili ishte nisur në kundërsulm mjaft të rrezikshëm.
Ishte duke u zhvilluar ndeshja Chindia Targoviste dhe FC Arges, e cila përfundoi në rezultatin e barabartë 1-1. Në aksionin e ndërtuar nga skuadra e Chindias, futbollistët kundërshtarë nuk arritën ta ndalonin, por për këtë mendoi trajneri i Arges, Sandoi, i cili shtriu këmbën drejt futbollistit duke e rrëzuar.
Ishte arbitri anësor që pa gjithcka dhe kërkoi ndërprerjen e lojës dhe që të ndëshkohej trajneri për veprimin që kishte bërë. Sandoi u largua nga fusha pasi u kërkoi falje lojtarëve, por gjithsesi pritet që Federata e Futbollit në Rumani të marrë një masë të rëndë dispilinore për gjestin “qesharak” të trajnerit.
