Një shpërthim eksplozivi është regjistruar rreth dy orë pas mesnate, në Kamëz. Polica bën me dije se tashmë ka gjetur një mjet të djegur, tip “Fuoristradë”, ku në brendësi janë gjetur dy armë zjarri tip “Kallashnikov”, të cilat dyshohet se janë përdorur nga autorët në lidhje me ngjarjen e ndodhur.
https://tiranatoday.com/si-ne-kohe-lufte-bresheri-plumbash-drejt-lokalit-e-baneses-pak-minuta-me-vone-shperthen-eksplozivi/
“Në vijim të informacionit të dhënë më parë për ngjarjen e ndodhur në Kamëz, ku është qëlluar me armë zjarri në drejtim të banesës së shtetasit Sh. H., si dhe është hedhur një sasi lëndë plasëse, në Fushë-Krujë është gjetur një mjet i djegur tip “Fuoristradë”, ku në brendësi të mjetit janë gjetur dy armë zjarri tip “Kallashnikov”, të cilat dyshohet se janë përdorur nga autorët në lidhje me ngjarjen e ndodhur”.
Ngjarja ka ndodhur në rrugën e njohur si “Bulevardi Blu”. Në vendngjarje ka shkuar një grup hetimor, i cili po punon për të mësuar rrethanat e ngjarjes, si dhe për identifikimin dhe kapjen e autorit apo autorëve të dyshuar.
