Një shqiptar ka mbetur i plagosur me armë zjarri në këmbë pas një sherri në lagjen Canaletto, në La Spezia të Italisë.
Sipas informacioneve paraprake, shqiptari është transportuar në spitalin Sant’Andrea della Spezia, ku ndodhet jashtë rrezikut për jetën.
Por, sot policia italiane bën të ditur se ka arrestuar autorin e. Ai është një shqiptar, i cili u vu në pranga disa orë pas ngjarjes. Sipas mediave italiane, mes dy shqiptarëve ka patur një debat me tone të ashpra, deri sa autori nxori pistoletën dhe e qëlloi në këmbë.
I plagosuri u dërgua në spital dhe ndodhet jashtë rrezikut për jetën. Ngjarja ndodhi mbrëmë rreth orës 20:00 në shtetin fqinj. Nga hetimet ka rezultuar se plagosja ndodhi pas një debati banal mes të dyve.
Pasi plagosi bashkatdhetarin, shqiptari u largua nga vendngjarja. Karabinierët brenda pak orësh bënë të mundur identifikimin dhe arrestimin e tij. Emrat e dy shqiptarëve, të plagosurit dhe autorit, nuk janë bërë me dije.
