Një 23-vjeçar shqiptar është ekzekutuar mbrëmjen e së mërkurës në qendër të qytetit të Barit. Mediat italiane shkruajnë se ngjarja ka ndodhur në sheshin ‘Abbazia’ në Corato, në një zonë të populluar. Ndërsa mësohet se viktima është Viktorjan Picaku, i cli kishte mbi një vit që kishte shkuar drejt Italisë fqinje, për shkak të papunësisë. 24-vjeçari, ishte me origjinë nga Mirdita dhe familja e tij jetonte në qytetin e Durrësit. Por sipas të njëjtave burime, Viktorjani kishte shkuar në Itali, në përpjekje për të gjetur një punë më të mirë, megjithatë mbetet e
Nga të dhënat e para, sipas policisë italiane, shtetasi shqiptar është qëlluar nga dy persona që po lëviznin me motor. Viktima ka marrë dy plumba, në kokë dhe në mushkri, ndërsa pavarësisht mbërritjes së menjëhershme të ambulancës, nuk ka mundur t’u mbijetojë plagëve të marra. Ndërkohë, duket se gjatë kohës që jetoi në Itali, i riu shqiptar krijoi mjaft miq, kryesisht italianë. Shumë prej tyre në rrjetet sociale shprehin hidhërim për humbjen e mikut të tyre.
“Vëlla, pushofsh në paqe. Do mbetesh gjithnjë në zemrën time. Pa fjalë vëlla”, shkruan një mik i tij, ndërsa një tjetër shprehet: “U prefsh në paqe, nga tani je engjëlli mbrojtës i të gjithëve”. “Të njihja prej pak kohësh, por e ndjeja që ishe një person i mrekullueshëm. Tani me siguri do të jesh në një vend më të mirë se ne. U prefsh në paqe mik”, shkruan një tjetër./Tirana Today/
