Në shtëpinë e Interit ditën e sotme ka zbarkuar dhe i ‘padëshiruari’ Joao Mario. Zikaltërit janë duke punuar shumë që ti gjejnë një ekip të ri lojtarit portugez, por deri tani nuk ka asgjë konkrete. Gazzetta dello Sport raporton se West Ham, Wolves, Everton dhe Bournemouth janë interesuar shërbimet e tij.
Luciano Spalletti është e qartë që nuk e ka në planet e tij, pasi është duke kërkuar një mesfushor në këtë merkato vere, që do të thotë se nuk ka vend për portugezin. Sipas së përditshmes italiane, Inter preferon të shesë 25-vjeçarin, duke kompensuar sa më shumë të jetë e mundur shifrën 40 mln euro të shpenzuar për të dy vite më parë.
Gjithsesi, me merkaton angleze që është drejt fundit, Inter mund të pranojë vetëm një formë huazimi. Mario kaloi fazën e dytë të sezonit të kaluar i huazuar te West Ham, me Hammers që duan ta marrin sërish në formë huazimi. Por në garë për firmën e tij janë edhe Woves, Everton dhe Bournemouth.
