Ylli i Kroacisë që shkëlqeu në Botërorin e Rusisë, mbrojtësi i djathtë, Sime Vrsaljko do të zbarkojë në “San Siro”. Duke pasur parasysh dëshirën e lojtarit, Atletico Madrid ka pranuar ofertën e Interit dhe shumë shpejt pritet zyrtarizimi.
26-vjeçari do të kalojë te klubi italian për një vit si i huazuar me opsion blerjen e kartonit verën e ardhshme, shkruan “Goal”. Interi do paguajë 8 milionë euro për huazimin, kurse 18 milionë euro vitin tjetër, nëse klubi vendosë për ta blerë kartonin mbrojtësit kroat.
Vrsaljko cilësohet si një investim mjaft i rëndësishëm për Spallettin, pasi ai e njeh mjaft mirë kampionatin italian dhe mund të përshtatet shumë shpejt. Kroati ka luajtur me Sassuolon para se të transferohej tek ekipi spanjoll.
