Real Madrid pas largimit të Cristiano Ronaldos ka premtuar se do të kryej disa transferime të mëdha, për ta forcuar akoma më shumë skuadrën. Në plan të parë të madilenëve duket se është belgu i Chelsea, Eden Hazard i cili do të ishte zëvendësuesi ideal i Ronaldos. Për këtë të fundit duket se janë fiksuar shifrat dhe do të kushtojë rreth 190 milionë euro.
Por nuk mbyllet me kaq, presidenti Perez duket se ka përgatitur një sulm edhe për mbrojtësin e djathtë e Tottenham që ka shkëlqyer me Anglinë në Botërorin e Rusisë, Kieran Trippier. The Sun raporton se tavolinën e Tottenham është një ofertë rreth 50 milionë euro dhe që po shqyrtohet nga drejtuesit e klubit.
Trippier ka qenë një nga lojtarët më të rëndësishëm të Southgate në Kupën e Botës, ishte ai që i jepte frymë ekipit nga krahët dhe me krosimet e tij ishte mjaft i saktë. Mbrojtësi shënoi edhe një gol të bukur në gjysmëfinale përballë Kroacisë me goditje dënimi, por që nuk vlejti në fund pasi rezultati u përmbys dhe Anglia u eliminua. Gjithsesi Spursat pritet që ta refuzojnë ofertën e madrilenëve, pasi së fundmi ata kanë rinovuar kontratën me Trippier e cila e bën të qëndrojë dhe 5 vite në Londër.
