Në vitin 2016 portieri brazilian u ble nga Roma për një shumë rreth 8 milionë euro dhe në sezonin e parë të tij në Itali nuk gjeti hapësira për tu aktivizuar. Bëhet fjalë për Alisson Backer i cili ka zhvilluar një sezon spektakolar me verdhekuqtë dhe më pas ishte zgjedhja e parë në kombëtaren e Brazilit.
Ndërsa një ditë më parë ai është bërë portieri më i shtrenjtë në histori, pasi Liverpool ka paguar 75 milionë euro tek Roma për të fituar shërbimet e brazilianit. Një shumë që nuk ishte parë kurrë më parë për një portier.
Alisson ditën e sotme ka falënderuar tifozët e Romës, pasi ai është nisur për në Angli ku do të finalizojë edhe transferimin.“Unë dua të falënderoj tifozët e Romës”, tha 25-vjeçari për gazetarët. Ai u pyet nëse ishte i penduar që po linte Romët. “Më vjen keq, por unë do të duhet të flas më vonë, OK?”
