Zyra e Emigracionit në Britani ka rënë dakord të pezullojë dëbimin e një gruaje shqiptare dhe të vajzës së saj pasi tre deputetë u ankuan në qeveri.
https://tiranatoday.com/fotone-shqiperi-e-pret-vdekja-belaja-qe-gjeti-ish-studenten-e-drejtesi/
Ish-studentja e drejtësisë kishte qenë duke shkuar për Itali, ku kishte rënë në duart e tutorëve të cilët e kishin droguar e me pas e kishin shitur për prostitutë. Gruaja, e cila tani jeton në Norfolk, iku në Angli dhe kërkoi azil, por iu refuzua.
Deputetët e zonës së Norfolk, George Freeman, Richard Bacon dhe Clive Lewis u ankuan pranë Zyrës së Emigracionit për rastin në fjalë. Gruaja kishte frikë se do të përballet me ‘ vrasje nderi’ nëse ajo do të kthehej në shtëpi me vajzën e saj dyvjeçare.
Megjithatë, pas takimit me deputetët e zonës së Norfolkut, me përgjegjësin e Zyrës së Emigracionit, Caroline Nokes, ata ranë dakord për pezullim të dëbimit. Gruas i është thënë të ri-aplikojë dhe rasti i saj do të rishikohet në nivelin më të lartë.
Clive Lewis, deputeti i Norwich South, tha se deputetët kishin marrë këshilla nga Sue Lambert Trust, e cila siguron mbështetje për të mbijetuarit e abuzimit seksual. “Ata janë të shqetësuar për të, ne jemi të shqetësuar për të, ajo është e shqetësuar për veten dhe ne mendojmë se ajo duhet të qëndrojë në këtë vend dhe se kërkesa e saj për azil duhet të pranohet,” tha ai për BBC javën e kaluar.
Burimi: BBC
Përshtati: Tirana Today
