Kampionati italian pas ardhjes së Cristiano Ronaldos pritet të ketë sërish prurje të reja të mëdha. Është tabloidi “Daily Mail” që raporton se Napoli do të bëjë një goditje të madhe dhe pasi Cavani e sheh të ardhmen më shumë në Angli, sytë janë kthyer nga bomberi madrilen.
Sipas tabloidit, Carlod Ancelotti i ka kërkuar presidentit të Napolit, De Laurentiis një njohje të vjetër të tij, pikërisht Karim Benzema. Sulmuesi francez që mungoi në Botëror, duke humbur shansin të shpallet Kupion Bote, mund të largohet nga Real Madrid pas transferimit të Ronaldos te Juventus.
Referuar raportimeve të “Daily Mail” shifra e duhur për të “rrëmbyer” sulmuesin nga presidenti i “Los Blancos” Florentino Perez është 45 milionë euro. Nga ana e tij, Real Madrid do ta zëvendësonte me Rodrigo nga Valencia, ndërkohë, sipas mediave spanjolle, vendin e Ronaldos do ta zëri ylli i Chelseas, Eden Hazard.
