Transferimi i Cristiano Ronaldos tek Juventusi është komentuar gjerë në televizionet sportive, së fundmi për këtë çështje ka folur edhe Cristian Panucci për “El Cope Partidazo”. Ai analizoi përshtatjen e CR7 në kampionatin italian, po ashtu tregoi budallallëkun e madh që kishte bërë në karrierën e tij si futbollist.
“Është çmenduri normale për Cristianon, ai është më i miri në botë. Është një nënshkrimi shumë i zgjuar, që do t’u japë lojtarëve të tjerë një shtytje për të ardhur në Itali. Cristiano e ka Champions-in në gjak. Ai do të ketë sukses, sepse është një lojtar shumë i mirë, – tha Panucci, i cili ka provuar të luajë si futbollist me Milan, Inter, Chelsea, Monaco, Roma, Parma dhe Real Madrid.
Trajneri i kombëtares shqiptare analizoi edhe situatën tek Real Madrid duke e cilësuar si një sezon të vështirë këtë që e pret pasi janë larguar dy shtyllat e ekipit. “Ky mund të jetë një sezon i vështirë për Real Madridin, sepse dy “pesha të rënda” janë larguar që aty: Zidane dhe Ronaldo. Nuk është e lehtë t’i zëvendësosh ato, aq më shumë pas fitores së Champions-it të tretë radhazi”.
Nga ana tjetër, Panucci u kthye në kohë dhe foli për largimin e tij nga Real Madridi, pas dy sezonesh e gjysmë në “Bernabeu”: “Doja të largohesha nga Real Madridi dhe ky ishte budallallëku më i madh i karrierës sime sportive. Me keqardhje e them tani, por kur u largova nga Madridi isha i bindur”. Italiani shkoi tek Interi në sezonin 1999-2000.
