Komisioni i Vështirësive ofron një shans të fundit për shumë njerëz që po jetojnë dhe punojnë pa leje qëndrimi në Gjermani. Të gjithë këta persona tashmë duhet të shfrytëzojnë rastin dhe t’u drejtohen anëtarëve të trupit të Komisionit të Vështirësisë për të marrë një leje qëndrimi.
Parakusht për këtë është që arsyet urgjente humanitare ose personale të personave që do të aplikojë, duhet të justifikojnë kërkesën. Kërkesa paraprakisht kontrollohet nga anëtarët e Komisionit të Vështirësive. Nëse kushtet e nevojshme plotësohen pas shqyrtimit rast pas rasti, Komisioni pastaj i dërgon një kërkesë senatorit të brendshëm Andreas Geisel (SPD), i cili vendos nëse do ta pranojë ose jo kërkesën.
Ndërkohë, nën Senatin Red-Red-Green, shkalla e pranimit të kërkuesve të vështirësive është rritur ndjeshëm. Kështu, në vitin 2016 nga 130 kërkesa u njohën 76 ose 58 për qind dhe në vitin 2017, nga 262 aplikime u njohën 182 ose 69 për qind. Prirja për të treguar mëshirë në raste të vështira, nga fundi i qershorit të këtij viti u rit, ku nga 87 kërkesa Ministri i Brendshëm pranoi 65, ose gati 75 për qind.
Ky është një lajm i mirë për të gjithë shqiptarët që aktualisht për arsye të ndryshme, si ekonomike, politike apo dhe sociale kanë lënë vendin dhe po kërkojnë një jetë më të mirë në Gjermani. Ata mund t’i drejtohen Komisionit të Vështirësive për të paraqitur një kërkesë në rast se aktualisht po qëndrojnë ilegalisht në Gjermani. Ky është një shans i madh për të gjithë shqiptarët që jetojnë dhe punojnë atje, duke mos qenë të pajisur me leje qëndrimi.
Burimi: neues-deutschland.de
Përshtati: Tirana Today
