Mjaft personazhe të ekranit janë parë kohët e fundit të largohen sa në një televizion në tjetrin. Konkurrenca është mjaft e fortë, e ndërsa moderatorët kanë gjetur terrenin e tyre.
Por pas lajmit të përcjellë së fundmi se moderatorja e “Pasdite” do të linte emisionin, edhe Edi Manushi ka vendosur që të lërë drejtimin e “Procesit Sportiv” me rinisjen e sezonit.
Pas një dekade në drejtimin e programit shumë të ndjekur sportiv, Manushi jep lajmin në mbylljen e “Top Arena”, programit që iu kushtua botërorit, duke thënë se rrugëtimit të tij me programet sportive i ka ardhur fundi. “Është momenti t’ia lëmë stafetën brezit të ri”, është shprehur Manushi, duke mos bërë të ditur nëse do të vazhdojë apo jo në ekran me ndonjë format tjetër. “Sot! Lajm! Duhet gjak i ri dhe energji të reja. Sporti ka nevojë për energji të reja dhe unë do të merrem me gjëra të tjera”, tha ai. Për këtë do të na duhet të presim.
