Një muaj spektakël në Rusi do të konkretizohet ditën e sotme me mbretin e ri të futbollit botëror. Është fundi i Kupës së Botës dhe në Moskë, në stadiumin Luxhniki do të zhvillohet përballja e fundit mes Francës dhe Kroacisë.
Vjen fundi i një kampionati me plot surpriza dhe spektakël, ku Kroacia është duke shkruar historinë duke luajtur në një finale Botërori, duke eliminuar disa ekipe të mëdha. Askush nuk i kishte menduar ata në finale në startin e Botërorit, pasi prisnin që Gjermania, Brazili dhe Argjentina të dominonin edhe këtë herë.
Kur kanë mbetur pak minuta para fillimit të kësaj sfide, trofeu i Kupës së Botës veçse ka mbërritur në stadium. Finalja e madhe do të zhvillohet në stadiumin Luzhniki në Moskë me fillim nga ora 17:00. Trofeu është gati të ngrihet në qiell nga duart e fituesit të kësaj sfide.
