Belgjika humbi shansin për të qenë në finalen e Moskës, por do të jetë në podium. Belgët mposhtin 2-0 Anglinë duke marrë vendin e tretë në Kupën e Botës. Një ndeshje mjaft e mirë nga “Djajtë” të cilët treguan edhe njëherë kualitetet e shumta që kanë, duke kontrolluar ndeshjen si ata e kishin parashikuar.
Deshja fillon në ritme të larta dhe belgëve u mjaftuan vetëm 4’ minuta për të gjetur golin e avantazhit. Një aksion mjaft i bukur, ku gjithçka nisi në duart e portierit dhe më pas Chadli shërben mjaft mirë në zonë për Meunier dhe ky i fundit nuk gabon përballë Pickford.
Pjesën e dytë anglezët zgjohen dhe hidhen në sulm, vendosin disa herë në vështirësi portën belge por pa gjetur golin e barazimit. Ishte Erick Dier që kishte shansin e artë për të shënuar pasi kalon me shumë klas topin lart Courtois, por Alderweireld largon topin mbi vijën fatale duke mos e lejuar të shkojë në rrjetë. Eden Hazard dyfishon rezultatin duke i dhuruar të tijve vendin e tretë në Kupën e Botës.
