Një situatë aspak e këndshme u krijua në kampin kroat pas ndeshjes me Rusinë. Ishte qendërmbrojtësi Vida ai që publikoi një video me shokun e tij Ognjen Vukojeviç ku bënin një thirrje në mbështetje të Ukrainës, e cila u cilësua nga mediat ruse si thirrje nacionaliste. Ai shprehej “Lavdi për Ukrainën”, thirrje që përdorej nga kundërshtarët e Vladimir Putinit.
Kjo thirrje ka bërë që rusët të ngelen të ofenduar dhe ti bëjnë një kërkesë FIFA-s për të filluar hetim ndaj futbollistit. FIFA e nisi hetimin dhe sot ka dal me një vendim zyrtar. “Ne mund të konfirmojmë se komiteti disiplinor i FIFA-s ka dërguar një paralajmërim tek lojtari Domagoj Vida për shkak të deklaratës së tij video,” tha një zëdhënës i organit më të lartë të futbollit.
