Tek Barcelona nuk ka qetësi, tani është ngritur një akuzë shumë e rëndë që lidhet me “trafik organesh”. Është “El Confidencial” ajo që ka dhënë lajmin për disa përgjime të bëra ndaj drejtuesve të Barcelonës të cilat vërtetojnë akuzën.
Policia spanjolle ka përgjuar katër telefonata ku ish-Presidenti i Barcelonës, Sandro Rosell pranon që organi që iu transplantua ish-futbollistit Eric Abidal u ble në mënyrë të paligjshme.
Abidal në 2011 shfaqi probleme shëndetësore dhe mjakët e diagnostikuan me tumor në mëlçi dhe që kërkonte operim urgjent. Versioni zyrtare është se donatori ishte Gerard, një kushëri i Abidalit që është parë disa herë në publik. Por, në përgjimet telefonike të Sandro Rosell pranohet se organi është blerë në mënyrë të paligjshme.
Një dosje tjetër do të hapet tashmë për të dhe më të do të merret gjykatësja Carmen Larena. Mëlçia për Abidalin është blerë në vitin 2012, një vit pas ndërhyrjes së parë të francezit, pas diagnostikimit të tij me kancer. Në atë kohë Barcelona bëri me dije se duhej një tjetër ndërhyrje. Në atë njoftim, klubi katalanas bënte me dije se operacioni u mundësua falë zemërgjerësisë së kushëririt të lojtarit, u cili quhej Gerard.
Por përgjimet tregojnë të vërtetën e gjithë kësaj historie, duke zbuluar se për Abidalin është blerë një mëlçi në tregun ilegal të organeve njerëzore. Në tre telefonata mësohet se ka pasur një bashkëpunëtor, të quajtur Juanjo dhe që ka mundësuar blerjen e mëlçisë. Gjithmonë e më kritike situata për Rosell.
