Neymar padyshim është lideri i Brazilit në këtë Kupë Bote. Ai është më i miri dhe të gjithë lojtarët janë duke e ndihmuar që të ndjehet sa më komod në fushë, pasi vjen nga një dëmtim i gjatë që mund të ketë ndikuar në formën e tij. Ylli i PSG-së e nisi mjaft dobët Botërorin dhe dukej se më shumë kërkonte të binte në sy vetë, se të ndihmonte ekipin.
Gradualisht, ndeshje pas ndeshjeje ai fitonte më shumë forcë dhe ishte më rezistent në fushë, por aktrimet gjatë përplasjeve nuk janë më të mirat që ai mund të bëjë. Ndërsa përballë Meksikës pamë një pjesë të Neymarit të vërtetë, ndoshta të atij Neymari që nuk e kishim parë kurrë. Ai kurrë tek PSG nuk kthehet në mbrojtje, ndërsa në ndeshjen e fundit ai ishte i kudondodhur dhe u shpërblye mjaft mirë, me një gol dhe një asist. Padyshim që ishte ndeshja e tij dhe u shpall lojtari i ndeshjes, por akoma nuk kemi parë më të mirën nga Neymar.
Ja çfarë mendojnë brazilianët për yllin e tyre:
Ai ka rënë shumë nga forma e tij. Ai mburret më shumë se sa duhet. Kjo është e vërteta. Pse është kaq dobët? Për shkak të flokëve. Mendoj se është shumë nervoz. Unë jam një fanse e çmendur e Nejmarit. Ai ka magji në këmbët e tij. Nejmar është një lojtar fenomenal. Unë mendoj se ishte ndeshja e parë, cilido e kishte vëmendjen tek ai për të bërë diçka, ndaj mendoj se ishte shumë nervoz. Por tani ai është gati të tregojë futbollin e tij. Ndeshjen e fundi ai pengohej shpesh. Ai është një lojtar i mirë. Nuk ka nevojë për shfaqje të tilla. Çdo lojtar i mirë fokusohet tek turneu. Nejmar fokusohet tek pasqyra. Po pres ndeshjen tjetër. Ai është perfekt dhe çdo gjë do të shkojë mirë. Nëse ai luan siç di, do të jetë më i miri. Sigurisht që Brazili do të fitojë Kupën e Botës. Brazili kampion…Për herë të gjashtë. Harroni që jemi 5 herë kampionë bote. Ne jemi më të mirët.
TIRANA TODAY
