Një tjetër bandë shqiptare e cila bënte namin me grabitjet e shtëpive në Spanjë është shkatërruar nga ana e policisë. Banda përbëhej nga 10 shtetas, ndërsa policia ka arrestuar 6 shqiptarë dhe një shtetas me origjinë ekuadoriane. Ata akuzohen për 102 raste të vjedhjes me dhunë.
Banda kriminale akuzohet se është përgjegjëse për këto grabitje në provincën spanjolle të Girona. Grabitësit merrnin paratë, bizhuteritë si dhe pajisjet elektroshtëpiake.
Ata ishin specialistë në këtë fushë. Hajdutët kishin disa makina të ndryshme për të kryer vjedhjet, në mënyrë që të mos zbuloheshin nga policia. Grabitjet realizoheshin gjithmonë pasditeve, kur në banesë nuk kishte njeri. Më 27 qershor gjykata vendosi “arrest me burg” për 6 prej të arrestuarve ndërsa dy i liroi nga akuzat.
