Emisioni BOOM i është rikthyer rastit të mësueseve të parashkollorit të cilat me urdhër të Xhelal Mziut nuk paguhen nga bashkia e Kamzës.
Premtimit që u bë në muajin prill se mësueset do të paguhen brenda muajit, nuk u mbajt. Madje për këtë, gazetarja e BOOM iu drejtua edhe kreut të PD, Lulzim Basha, i cili tha se Xhelal Mziu duhet të zbatojë ligjin.
Edhe pas kësaj deklarate të kreut të PD, Xhelal Mziu përsëri nuk ka zbatuar ligjin.
Gazetarja e BOOM, iu drejtua sërish Lulzim Bashës për këtë rast dhe si përgjigje ai tha se rasti duhet ndjekur në bashki.
Gazetarja: Para dy javësh të thashë për problemin e Xhelal Mziut që nuk ka bërë pagesat e disa mësuesve, megjithatë nuk ka ndrsyhuar situata , vazhdon të mos bëj pagesat.Ju do ndërhyni për të zgjidhur problemin?
Basha: A je interesuar në Bashki?
Gazetarja: Patjetër.
Basha: Shumë mirë, ndiqe në Bashki.
Gazetarja: Po ju?
Basha: Se kjo nuk është ministria e pushtetit lokal.
Gazetarja: Ne e kemi ndjekur problemin në Bashkinë që drejtohet nga Partia Demokratike, por prej muajsh mësuesit në nevojë nuk marrin pagat nga kryetari i Bashkisë Kamëz Xhelal Mziu, megjithatë ne po ndjekim këshillën e Basha.
Dhe gazetarja e BOOM ndoqi këshillën e Lulzim Bashës. Përsëri iu drejtua Bashkisë Kamzë për të takuar kryetarin Xhelal Mziu. Por përsëri gazetarja nuk u prit dhe roja mbylli derën.
Bashkia e Kamzës ka një propozim për një negociatë me institucionin e drejtorisë arsimore.
Drejtori për median, Artan Dervishi: U bë nismë emisioni “Boom”për ta falenderuar që nëpërmjet ekranit të jemi pjesë e negocimit institucional.Propozimi konkret është të kalohet në nivel marrëveshje ndërmjet zyrës arsimore dhe Bashkisë, sepse funksionet e deleguara bien ndesh me kompetencat.Ndryshe operohet me bashkinë Kamëz, ndyshe me Bashkinë Durrës dhe Elbasan .
Sulejman Keta, Përgjegjësi i burimeve njërëzore Zyra Arsimore Kamëz: Nuk ka asnjë ngërç ligjor pasi ligji 69 i vitit 2012 në nenin 60 ka përcaktuar qartë si emërohen mësuesit në arsimin parauniversitar. Me urdhër të kryeministrit në 2015 në kuadër të kalimit të disa kompetencave në qeverisjen vendore është bërë një delegim funksioni, pra funksioni i qeversië qendrore i është deleguar bashkisë Kamëz, pagesa e edukatoreve të kopshtit. Kemi dy shkresa të ministrisë së Arsimit që i drejtohen të gjitha bashkive dhe zyrave arsimore që derisa të miratohen ndryshimet në ligjin 69 i vitit 2012 në nenin 60 për emërimin, emërimi është kompetencë e drejtorit të shkollës dhe zyrës arsimore emërimi.
Drejtori për median i Bashkisë: Profesori ngul këmbë tek funksionet ne tek kompetencat, të vijnë institucionet që janë mbi ne ta zgjidhin.
Pavarësisht se nuk u arrit një marrëveshje, thirrja për kryetarin e bashkisë Kamzë është që të zbatojë ligjin dhe të paguajë mësueset e parashkollorit.
