Ka degjeneruar në sharje e fyerje debati në Komisionin e Medias, mes kryetares se Komisionit, Albana Vokshi dhe kryetarit të Bashkisë, Erion Veliaj. Mjaft e prerë në qëndrimin e saj, Vokshi ka deklaruar se Veliaj ishte i paftuar sot në këtë seancë, për të folur për çështjen e Teatrit Kombëtar, pasi ishte kërkuar vetëm dëgjesë me ministren Kumbaro. Veliaj nuk ka kursyer edhe ironitë, duke i propozuar Vokshit që të bëhej aktore.
Albana Vokshi: Mos u trego arrogant.
Veliaj: Mos gënje, nëse do të bëhesh aktore, shko bëj audicion
Veliaj: Të erdha për respekt
Albana Vokshi: Nuk dua respekt
Veliaj: Ti ndoshta nuk meriton respekt. Tani më thua çohu ik
Vokshi: Më vjen keq që ke ardhur të bësh zhurmuesin
Veliaj: Shfrytëzoni çdo kauzë, si ke lodrat.. që sollët Nishanin, ja ku jemi sot
Vokshi: Jeni i paftuar. Unë mund t’ju nxjerr jashtë. Keni ardhur i paftuar, sepse nuk doni të lini
Veliaj: Teatri do të jetë njësoj si pazari e këndi i lojrave
Vokshi: Mbyll mikrofonin, këtu drejtoj unë, jo ju
Veliaj: Më ftove të vij, nesër merr çmim “Sheshi Skënderbej”, nuk mund të vij
Shihni lodrat, të gjithë deputetët e PD-së i ke tek lodrat dhe pazari i ri.
Vokshi: Dështove si aktor dhe ke sjellë teatrin në parlament. Shkon i vjedh protestën aktorëve. Mos bëj arrogantin. Me mua nuk ia del dot
