Një shkëndijë elektrike duket se është bërë shkak për shpërthimin e një mjeti. Burimet e policisë bëjnë me dije se një automjet tip”Benz”, me targa AA320RX është përfshirë nga flakët në aksin rrugor Fier-Patos, në vendin e quajtur rethrrotullimi i Parkut.
Fatmirësisht, në momentin e shpërthimit të flakëve nuk ka pasur njeri në mjet, teksa dëmet në makinë janë të konsiderueshme.
Paraprakisht dyshohet që zjarri të jetë provokuar nga një shkëndije elektrike.
Uniformat blu kanë nisur hetimet, për zbardhjen e plotë të rastit.
