Argjentina është përfshirë nga një dramë e madhe dëmtimesh në prag të Botërorit që starton pas 6 ditësh në Rusi. Fillimisht ishte portieri Romero që u largua për shkak dëmtimi, ndërsa mëngjesin e sotëm ishte Lanzini që pësoi një këputje të ligamentit të gjurit dhe braktisi kampion stërvitor. Por trajneri Horge Samapoli nuk ka bërë ende të ditur emrin e zëvendësuesit, pasi argjentinasit i shqetëson një tjetër dëmtim, ai i Ever Banega.
Futbollisti ka ndjerë shqetësime dhe nuk është në 100%. Ndonëse ai është shfaqur në stërvitje me grupin, sipas burimeve pranë stafit të përfaqësueses, është thuajse e sigurt se nuk rikuperon për ndeshjen e parë që Argjentina do të zhvillojë përballë Islandës.
Kjo mund të detyrojë Sanpaolin që ta largojë futbollistin, pasi në një aktivitet si Botërori, lojtarët që nuk janë në maksimumin e tyre vështirë se mund të ndihmojnë si duhet kombëtaren dhe një tjetër shqetësim mund ta mbyllte përfundimisht aventurën e tij ruse pa zbritur aspak në fushë. Nesër pritet të merret vendimi për zëvendësuesin e Lanzinit, ashtu edhe vendimi nëse Banega do të jetë pjesë e udhëtimit drejt Rusisë.
