Era Istrefi ka qenë mjaft e angazhuar kohët e fundit dhe me të drejtë, pasi ajo të jetë pjesë e himnit të Botërorit “Rusia 2018”.
Këngëtarja po njeh vetëm suksese dhe duket se nuk ka të ndalur. Istrefi e cila njihet për stilin e saj unik, do të këndojë krah emrave të njohur të muzikës si Nicky Jam dhe Will Smith. Deri tani, kënga është publikuar në YouTube në versionin audio, por është finalizuar edhe videoklipi i këngës.
Në rrjetet sociale kanë nisur të qarkullojnë imazhe nga kënga e Kampionatit, e cila do të publikohet këtë të enjte, 7 qershor.
“Live it Up” është një këngë që e ka të garantuar suksesin gjatë kësaj vere, Prodhim i producentit Diplo. Kënga është e gjitha në anglisht, por ajo që të bie në sy është zëri kumbues i Era Istrefit në refren.
