Karim Benzema shënoi golin e parë në finalen e Champions League, por mënyra si u shënua goli ishte mjaft e çuditshme. Pasi portieri i Liverpool ka bërë një gabim amator dhe francezi përfitoi mjaft mirë. Gjithsesi, Benzema është shprehur se goli nuk ishte thjesht çështje fati dhe ka shpjeguar se ai duhet të punonte shumë për të qenë në pozicionin e duhur.
“Jo, nuk mendoj se ishte fat,” shprehet ai gjatë një interviste për televizionin e Kuvajtit. “Duhet të jesh në vendin e duhur në momentin e duhur. Nuk besoj në fat, është gjithmonë punë dhe vetëm punë. Mund të ketë qenë një gol i thjeshtë, por duhet të jesh aty për ta shënuar.”
