Forumi Rinor i Partisë Demokratike dhe Lëvizja Rinore për Integrim kanë dalë sot bashkë në protestë për të kërkuar dorëheqjen e Ministrit të Brendshëm Fatmir Xhafaj. Të rinjtë kanë vendosur para Ministrisë së Brendshme thasë të zinj si të trafikantëve dhe tre foto të kryeministrit Edi Rama, ministrit Fatmir Xhafaj dhe ish-ministrit Saimir Tahiri. Ata kanë qëlluar me peshq dhe vezë godinën e ministrisë.
“Ministri i Brendshëm, de facto nuk është më ministri i shqiptarëve por i një grupi kriminelësh. Kjo nuk është protestë vetëm e PD-së dhe LSI-së por e të rinjve të këtij vendi. Nuk duhet të largohet populli por Edi Rama”, u shprehën të rinjtë.
Të rinjtë e FRPD-së dhe LRI-së do të protestojnë tek Ministria e Brendshme duke kërkuar dorëheqjen e Xhafajt, pasi opozita pretendon se ai mbron vëllain e tij të dënuar për trafik droge.
