Sergio Ramos do të mbahet mend gjatë si i “ligu” i finales së Kievit, ku gjatë një dueli me Salah e detyroi atë të linte fushën e lojës me një shpatull të nxjerrë vendit. Një veprim disi i çuditshëm që për shumë opinionistë dhe futbolldashës u cilësua i qëllimshëm.
Së fundmi është zbuluar një tjetër video, këtë herë në finalen e “Championsit” të sezonit të kaluar ku Real Madrid u përball me Juventusin. Ramos dallohet teksa bën të njëjtën tentativë si me Salah ndaj Dani Alves, por ky i fundit fatmirësisht nuk ka patur të njëjtin fat si egjiptiani pasi është shmangur në kohë.
Një ‘tentativë’ që simbolikisht i jep pseudonimin ‘serial kille-r’ futbollistit spanjoll, që mesa duket fillimisht i vë në shënjestër objektivat dhe më pas përpiqet t’i ‘eliminojë’.
