Paraditen e sotme në vendin e njohur si “Shpella e Pëllumbasit” në Tiranë u rrëzuan nga lartësia dy turistë shqiptarë. Disa orë më pas, është bërë e mundur nxjerrja e njërit prej tyre. Ngjarja ndodhi rreth orës 12:15, ndërsa në orën 15:15 u njoftua se me ndërhyrjen e forcave të policisë dhe atyre zjarrfikëse u bë e mundur nxjerrja e njërit prej tyre.
Në pamjet e publikuara nga operacioni i shpëtimit, duket edhe terreni i vështirë ku ranë dy të rinjtë. Mësohet se shtetasi F. D., rreth 21 vjeç, u nxor nga gryka e kanionit, dhe fatmirësisht ndodhet në gjendje të mirë shëndetësore. Nga rrëzimi ka pësuar dëmtime të lehta, dhe menjëherë është dërguar për kontroll në spital.
Ndërkaq kërkimet për shtetasin XH.S 20 vjeç, i cili dyshohet të jetë marrë nga rrjedha e ujit, do rifillojnë nesër në mëngjes nga Polumbaret e Reneas , tek gryka lumit Erzen.
NJOFTIMI I POLICISË
Më datë 19.05.2018, rreth orës 12:15, te “Shpella e Pëllumbasit”, kanë rënë nga lartësia shtetasit Xh. S., dhe F. D., ( pjesë të një grupi turistësh shqiptar).
Shtetasi Xh. S., dyshohet të jetë marrë nga rrjedha e ujit, ndërsa shtetasi F. D., ka mbetur në një gryk kanioni dhe ndodhet në gjendje të mirë shëndetësore.
Shërbimet e policisë dhe zjarrfikëses po punojnë për nxjerrjen e shtetasit F. D., nga gryka e kanionit dhe për gjetjen dhe nxjerrjen nga ujit të shtetasit Xh.S. Kerkimet do rifillojne neser ne mengjes nga Polumbaret e Reneas , tek gryka lumit Erzen
