Dua Lipa do të jetë këngëtarja e parë shqiptare që do të marrë pjesë në ceremoninë hapëse të finales së Champions League. Ajo do të performojë në Kiev në prag të superndeshjes me Liverpool dhe Real Madrid. Por bashkëpunimi i UEFAS me këngëtaret shqiptare nuk mbaron këtu, pasi ata kanëe publikuar edhe një projekt me këngëtaren tjetër shqiptare, Rita Ora.
UEFA është e kënaqur të shpallë se Rita Ora do të jetë përkrahëse zyrtare e “The Girls Tour”, si pjesë e fushatës së përbashkët WePlayStrong. Organi qeverisës i futbollit evropian ka bashkuar forcat me këngëtaren ndërkombëtare Rita Ora, në një partneritet novator që synon transformimin e imazhit të futbollit të grave dhe inkurajimin e pjesëmarrjes së vajzave të reja.
Vetë Rita Ora ka njoftuar UEFA-n se pranon të jetë pjesë e kësaj fushate. “The Girls Tour” do të startojë së shpejti dhe Rita Ora në pesë vjet do të performojë në 13 qytete anembanë Evropës. Në shpalljen e këtij partneriteti unik me UEFA, ajo tha:
“Të bashkojmë vlerat së bashku me ‘WePlayStrong’ jo vetëm rreth futbollit, por edhe fuqizimit të femrave dhe barazisë, kështu që unë isha 100% pro kësaj fushate kur u afrua me partnerin me UEFA-n.
Është privilegj të bëhesh pjesë e një iniciative të tillë frymëzuese, duke shtyrë mesazhet e pranimit, individualitetin dhe gjetjen e një vendi ku i takon. Mesazhi im për çdo vajzë të re që po mendon të kapë një top është të vraposh vetëm për të! Një ekip frymëzon besimin, ndërton miqësi dhe mund të çlirohet “.
Nëpërmjet fushatës së përbashkët WePlayStrong, UEFA synon të bëjë futbollin me më shumë rëndësi kulturore dhe aspiruese për vajzat në vitet e tyre të adoleshencës, ku tradicionalisht braktisin në numër të madh.”
