Partia Demokratike ka vazhuar akuzat për ministrin e Brendshëm Fatmir Xhafaj dhe vëllain e tij Agron Xhafaj, i cili është i dënuar në Itali me 7.2 vite burg për trafik droge.
Në një deklaratë për mediat nga selia blu, deputeti Enkelejd Alibeaj theksoi se Xhafaj deklaroi në vitin 2010 që vëllai i tij ka vuajtur dënimin me burg, por rezulton që Agron Xhafaj nuk ka kryer asnjë ditë burgim.
“Dënimi i Agron Xhafajt, vëllait të ministrit të Brendshëm Fatmir Xhafaj, me 7 vjet e 2 muaj burgim, është tashmë një fakt i pranuar nga vetë Ministri. Edhe dijeninë e tij mbi këtë dënim, Fatmir Xhafaj e pranoi vetë, duke thënë se këtë vendim e ka gjetur online.
Mirëpo, më 7 Tetor 2010, Fatmir Xhafaj gënjeu publikisht duke thënë se i vëllai për një gabim dhe faj që ka bërë, i ka vuajtur pasojat ligjore.
Saktësisht ka thënë: “Një gabim dhe faj, për të cilin i vuajti pasojat ligjore. Historia e tij vetjake ishte dhe mbetet rekordi i vetëm negativ i tij përballë ligjit”.
E vërteta është që ministri Fatmir Xhafaj ka gënjyer. Agron Xhafaj nuk ka bërë asnjë ditë burg nga dënimi i dhënë nga autoritetet italiane të drejtësisë, me 7 vjet e 2 muaj burgim, për trafik ndërkombëtar droge. Ai nuk ka vuajtur asnjë pasojë ligjore, ndryshe nga sa deklaron Fatmir Xhafaj. Si Kryetar i Komisionit të Ligjeve dhe ministër i Brendshëm e ka ndihmuar Agron Xhafajn t’i shpëtojë drejtësisë. Shqiptarët mbajnë mend me dhjetra raste të burgosjes së kryefamiljarëve që nuk paguajnë dot faturën e energjisë elektrike, apo burgosjen e qytetarëve kukësianë që protestuan për mbijetesën e tyre përballë traut të taksës korruptive Rama në Rrugën e Kombit.
Ndërkohë Agron Xhafaj i dënuar për trafik ndërkombëtar droge, jo vetëm nuk burgoset, por ka imunitet mbi ligjin dhe ka siguruar paprekshmëri nga Policia e Shtetit dhe prokuroria. Pse? Sepse është vëllai i Ministrit të Brendshëm. Policia e Shtetit është nën urdhrat e Familjes Xhafaj. Cili punonjës i ndershëm policie do guxonte të zbatonte ligjin ndaj një anëtari të Familjes Xhafaj? Është e qartë për këdo, sa kohë ministër i Brendshëm është Fatmir Xhafaj, vëllai i tij, i dënuar për trafik ndërkombëtar droge, nuk do të vuajë asnjë ditë nga dënimi 7 vjet e 2 muaj për trafik droge”, u shpreh Alibeaj.
Deputeti demokrat vazhdoi të bënte të tjera pyetje për ministrin e Brendshëm.
“Fatmir Xhafaj ka detyrimin ligjor t’i shpjegojë shqiptarëve se përse nuk vepron ligji ndaj vëllait të tij? Pse Agron Xhafaj ka imunitet mbi ligjin? Pse nuk ekzekutohet vendimi i dënimit të tij, me 7 vjet e 2 muaj burgim? Pse nuk vepron Policia e Shtetit? Pse është katandisur Operacioni “Forca e Ligjit” në operacionin “Forca e Agronit”?
Deklarata e plotë e PD-së
3 PROVAT SESI FATMIR XHAFAJ KA SHKELUR DHE PENGUAR ZBATIMIN E LIGJIT PËR TË MBROJTUR VËLLAIN TRAFIKANT DROGE
A E VAZHDON AKTIVITETIN KRIMINAL TË TRAFIKUT TË DROGËS VËLLAI I TIJ AGRON XHAFAJ?
| PËRMBLEDHJE:
· PD: XHAFAJ PRANOI QË I VËLLAI ËSHTË I DËNUAR PËR TRAFIK DROGE · PD: MINISTRI XHAFAJ GËNJEN KUR THOTË SE I VËLLAI I KA VUAJTUR PASOJAT LIGJORE · PD: AGRON XHAFAJ NUK KA BËRË ASNJË DITË BURG NGA DËNIMI I DHËNË · PD: XHAFAJ NDIHMOI VËLLAIN E TIJ QË T’I SHPËTOJË DREJTËSISË · PD: FAMILJA “XHAFAJ” KA IMUNITET NDAJ LIGJIT ANTIMAFIA · PD: 7 PYETJE QË DUHET T’I PËRGJIGJET SOT FATMIR XHAFAJ · PD: A E VAZHDON AGRON XHAFAJ AKTIVITETIN KRIMINAL? · PD: A ËSHTË AGRON XHAFAJ NJË NGA BOSËT E DROGËS NË SHQIPËRI? · PD: A I KA SIGURUAR FATMIR XHAFAJ PAPREKSHMËRI NGA POLICIA E SHTETIT VËLLAIT TË TIJ? |
PSE GËNJEU FATMIR XHAFAJ?
Dënimi i Agron Xhafajt, vëllait të Ministrit të Brendshëm Fatmir Xhafaj, me 7 vjet e 2 muaj burgim, është tashmë një fakt i pranuar nga vetë Ministri. Edhe dijeninë e tij mbi këtë dënim, Fatmir Xhafaj e pranoi vetë, duke thënë se këtë vendim e ka gjetur online.
[TREGOHET EDHE NJËHERË PËRPARA KAMERAVE VENDIMI I DËNIMIT]
Mirëpo, më 7 Tetor 2010, Fatmir Xhafaj gënjeu publikisht duke thënë se i vëllai për një gabim dhe faj që ka bërë, i ka vuajtur pasojat ligjore.
[………..Një gabim dhe faj, PËR TË CILIN I VUAJTI PASOJAT LIGJORE ….. Historia e tij vetjake ishte dhe mbetet rekordi I VETËM negativ i tij përballë ligjit.].
{Fatmir Xhafaj – Faqja 53 e procesverbalit – Seanca Plenare e Kuvendit e datës 07.10.2010}
E vërteta është që Ministri Fatmir Xhafaj ka gënjyer. Agron Xhafaj nuk ka bërë asnjë ditë burg nga dënimi i dhënë nga autoritetet italiane të drejtësisë, me 7 vjet e 2 muaj burgim, për trafik ndërkombëtar droge.
Ai nuk ka vuajtur asnjë pasojë ligjore, ndryshe nga sa deklaron Fatmir Xhafaj.
Si Kryetar i Komisionit të Ligjeve dhe Ministër i Brendshëm e ka ndihmuar Agron Xhafajn t’i shpëtojë drejtësisë.
Shqiptarët mbajnë mend me dhjetra raste të burgosjes së kryefamiljarëve që nuk paguajnë dot faturën e energjisë elektrike, apo burgosjen e qytetarëve kukësianë që protestuan për mbijetesën e tyre përballë traut të taksës korruptive Rama në Rrugën e Kombit.
Ndërkohë Agron Xhafaj i dënuar për trafik ndërkombëtar droge, jo vetëm nuk burgoset, por ka imunitet mbi ligjin dhe ka siguruar paprekshmëri nga Policia e Shtetit dhe prokuroria.
Pse? Sepse është vëllai i Ministrit të Brendshëm.
Policia e Shtetit është nën urdhrat e Familjes Xhafaj. Cili punonjës i ndershëm policie do guxonte të zbatonte ligjin ndaj një anëtari të Familjes Xhafaj?
Është e qartë për këdo: sa kohë Ministër i Brendshëm është Fatmir Xhafaj, vëllai i tij, i dënuar për trafik ndërkombëtar droge, nuk do të vuajë asnjë ditë nga dënimi 7 vjet e 2 muaj për trafik droge.
Burgu në Qeverinë e Edi Ramës dhe Fatmir Xhafajt është për njerëzit e pamundur, jo për trafikantët e pushtetshëm, është për krimet ordinere, jo për krimin e organizuar.
Fatmir Xhafaj ka detyrimin ligjor t’i shpjegojë shqiptarëve se përse nuk vepron ligji ndaj vëllait të tij?
Pse Agron Xhafaj ka imunitet mbi ligjin?
Pse nuk ekzekutohet vendimi i dënimit të tij, me 7 vjet e 2 muaj burgim?
Pse nuk vepron Policia e Shtetit?
Pse është katandisur Operacioni “Forca e Ligjit” në operacionin “Forca e Agronit”?
Por Fatmir Xhafaj hesht. Nuk flet dot, sepse nëse flet i duhet të pranojë se e ka ndihmuar të vëllain që t’i shpëtojë drejtësisë.
3 PROVAT SESI FATMIR XHAFAJ KA SHKELUR DHE PENGUAR ZBATIMIN E LIGJIT PËR TË MBROJTUR VËLLAIN TRAFIKANT DROGE
Në fakt, pyetjet e mësipërme kanë marrë përgjigje vetë nga çdo shqiptar. Përgjigja për pyetjet që prej ditësh Fatmir Xhafaj nuk i jep dot përgjigje është një e vetme:
Ministri i Brendshëm Fatmir Xhafaj është aryseja pse Agron Xhafaj i ka shpëtuar dënimit, pse Ligji Antimafia nuk vepron mbi Agron Xhafajn dhe atë vetë.
Ai ka shkelur ligjet dhe ka falsifikuar dokumentet zyrtare për këtë qëllim.
Fatmir Xhafa është arsyeja pse shteti është në shërbim të Agron Xhafajt, jo përballë tij me forcën e ligjit.
Dënimi me 7 vjet dhe 2 muaj u bë 0 ditë burgim sepse Agron Xhafaj në fjalët e të vëllait Fatmirit: “ka pikë-takime dhe lidhje me njerëz të pushtetit.
A ka lidhje më të pushtetshme sesa të jesh vëllai i Ministrit të Brendshëm.
Shqiptarët kanë parë gjatë këtyre ditëve, 3 provat sesi Fatmir Xhafaj ka shkelur ligjet dhe ka penguar zbatimin e ligjeve për të mbrojtur vëllain e tij trafikant të dënuar droge :
- Së pari, Fatmir Xhafaj nga pozicioni i Ministrit të Brendshëm ka shkelur ligjin për të ndihmuar vëllain e tij ti shpëtojë vuajtjes së dënimit duke penguar cdo veprim për ekstradimin e tij:
- për të verifikuar dhe identifikuar identitetin e ri të Agron Xhafajt;
- për të njoftuar autoritetet italiane për vendndodhjen e tij në Shqipëri;
- për arrestimin dhe burgosjen e tij.
Fatmir Xhafaj këtë e ka për detyrë ta bëjë për çdo qytetar shqiptar që ka një dënim të pa ekzekutuar.
Por për Agron Xhafajn, vëllain e tij, nuk është zbatuar.
Përkundrazi.
Policia e Shtetit nuk vepron. Policia e Shtetit është nën urdhrat dhe shërbimin e Familjes Xhafaj. Ajo është shndërruar nga Policia “Habilaj” në Policia “Xhafaj”.
- Së dyti, Fatmir Xhafaj, nga pozicioni i tij si Kryetar i Komisionit të Ligjeve, falsifikoi dokumentet zyrtare, dhe trafikoi në mënyrë të paligjshme në Kodin e Procedurës Penale një dispozitë ligjore:
- Për të pamundësuar ekstradimin e vëllait të tij Agron Xhafaj të dënuar me vendim gjyqësor të formës së prerë nga Gjykata Italiane e Kasacionit,
dhe
- Për të pamundësuar njohjen e vendimit nga drejtësia shqiptare në mënyrë që vëllai i tij Agron Xhafaj të mos bëj asnjë ditë burg as në Shqipëri nga dënimi i tij nga drejtësia italiane për trafik droge.
Fatmir Xhafa e bëri këtë në kundërshtim me Konventën Europiane të Ekstradimeve, fakt të cilin e pohoi edhe Ministri Italian i Drejtësisë, jo më larg se 6 muaj më parë.
- Së treti, Ministri i Brendshëm Fatmir Xhafaj nuk zbaton Ligjin Antimafia. Nga pozicioni i tij si Ministër I Brendshëm Fatmir Xhafaj pengon Ligjin Antimafia të veprojë ndaj Agron Xhafajt dhe Fatmir Xhafajt.
Policia e Shtetit nuk kandërmarrë asnjë veprim për të zbatuar masa parandaluese ndaj Agron Xhafajt dhe rrethit të tij familjar, nëpërmjet sekuestrimit të pasurive, veprimtarive ekonomike apo tregtare, sic e kërkon Ligji Antimafia.
Kjo sepse aktiviteti kriminal i trafikut të drogës, që ka kryer vëllai i Ministrit të Brendshëm, automatikisht e bën subjekt të ligjit, vetë Ministrin e Brendshëm Fatmir Xhafaj.
Shqipëria është i vetmi vend në botë ku Ministri i Brendshëm, përgjegjës për zbatimin e Ligjit Antimafia, është vetë subjekt i Ligjit Antimafia.
Të tre këto prova tregojnë qartë sesi Fatmir Xhafaj është drejtpërdrejt i përfshirë nga pozicioni i Ministrit të Brendshëm dhe më parë i Kryetarit të Komisionit të Ligjeve për të mbrojtur të vëllain e dënuar për trafik ndërkombëtar droge.
Fatmir Xhafaj e ka pranuar edhe më parë që e ka ndihmuar të vëllain. Konkretisht, me 07 Tetor 2010, Fatmir Xhafaj deklaronte se:
[…….JU MË PYESNI MUA NËSE E KAM NDIHMUAR VËLLANË TIM. Ju kam thënë dje dhe ju them edhe sot pa asnjë mëdyshje. PO, SIGURISHT QË PO! ……. E KAM NDIHMUAR T’I KTHEHET JETËS NORMALE. Që nga muaji maj i vitit 2002, kur është rikthyer në Shqipëri, dhe deri më sot, vëllai im…., KA NJË JETË NORMALE DHE PA ASNJË LLOJ REKORDI NEGATIV PËRBALLË LIGJIT….].
{Fatmir Xhafaj – Faqja 53 e procesverbalit – Seanca Plenare e Kuvendit e datës 07.10.2010}
Partia Demokratike pyet sot Fatmir Xhafajn:
A i qëndron deklaratës se i vëllai ka një jetë normale dhe pa asnjë lloj rekordi negativ përballë ligjit.
A mund të arrihet kjo, kur pasi ke kryer një krim të rëndë si trafiku ndërkombëtar i drogës, nuk ke vuajtur asnjë ditë dënim?
A mund të arrihet kjo kur nuk goditet produkti i krimit, pra pasuria e paligjshme?
III. A E VAZHDON AKTIVITETIN KRIMINAL TË TRAFIKUT TË DROGËS VËLLAI I MINISTRIT TË BRENDSHËM AGRON XHAFAJ?
Prej disa ditësh Partia Demokratike e ka pyetur Fatmir Xhafajn, nëse Agron Xhafaj është i skeduar dhe nën vëzhgim nga Policia e Shtetit, për shkak të aktivitetit të mëparshëm kriminal në trafikun e drogës?
Heshtja ka qenë përgjigjia e Ministrit Fatmir Xhafaj edhe në këtë rast.
- Shqiptarët mësuan të vërtetën që Agron Xhafaj nuk ka bërë asnjë ditë burg nga dënimi i dhënë nga drejtësia italiane.
Është e pamundur të besohet se pa vuajtur dënimin, personi i dënuar rehabilitohet, vetëm se i vëllai, pra Fatmir Xhafaj, e ka ndihmuar të reflektojë.
Nëse rehabilitimi arrihej me këshilla dhe reflektime, dhe jo me dënime, atëherë përse ekzistojnë burgjet?
Qëllimi i vuajtjes së dënimit është pikërisht rehabilitimi dhe riintegrimi shoqëror i personit të dënuar.
Pa vuajtur dënimin nuk ka kthim në jetën normale. Pa u futur në burg nuk frenohet aktiviteti kriminal. Këtë rregull e di edhe një fëmijë.
Por Fatmir Xhafaj deklaron se kthimi në jetën normale i një trafikanti ndërkombëtar droge arrihet me reflektim dhe këshilla, pra pa vuajtur dënimin e drejtësisë italiane.
Nga ana tjetër, çdo vend normal e shtet ligjor, e përdor ligjin antimafia, jo vetëm për të goditur krimin e organizuar, por edhe për të parandaluar vijimin e aktivitetit kriminal.
Kur krimit të organizuar nuk i goditet pasuria e paligjshme dhe burimi i financimit të aktivitetit kriminal, është e pamundur që parandalohet vijimi i veprimtarisë kriminale.
Me fjalë të tjera, kur pasuritë e vëna përmes aktivitetit kriminal të trafikut të drogës nuk sekuestrohen, ato shërbejnë si burim financimi për vazhdimin e aktivitetit kriminal.
Kjo është arsyeja pse ekziston një Ligj Animafia.
Ndaj Agron Xhafajt nuk është aplikuar as njëra dhe as tjetra. Ai as ka vuajtur asnjë ditë nga dënimi i dhënë, dhe as nuk ka qenë subjekt i masave që parashikon ligji Antimafia.
Partia Demokratike pyet sot Fatmir Xhafajn:
- A është rehabilituar Agron Xhafaj, edhe pse nuk ka bërë asnjë ditë burg nga dënimi i tij dhe pavarësisht se ndaj tij Fatmir Xhafaj ka zgjedhur të mos e zbatojë ligjin antimafia?
- A bën ai një jetë normale dhe pa asnjë lloj rekordi negative përballë ligjit, siç ka garantuar publikisht Fatmir Xhafaj?
- A e vazhdon Agron Xhafaj aktivitetin kriminal të drejtimit të organizatave kriminale të trafikut të paligjshëm të drogës?
- A ka përgjegjësi ligjore, politike dhe morale Fatmir Xhafaj nëse Agron Xhafaj, pasi u bë “vëllai i Ministrit të Brendshëm”, koordinon veprimtarinë kriminale të trafikut të drogës në Shqipëri?
- A është Agron Xhafaj një nga bosët e drogës në Shqipëri?
- A i ka siguruar sot Fatmir Xhafaj paprekshmëri Agron Xhafajt, njëlloj siç bëri dje për dënimin e autoriteteve italiane?
- A e ka Agron Xhafaj nën urdhra Policinë e Shtetit, si strukturë ndihmëse që i lehtëson veprimtarinë kriminale?
Fatmir Xhafaj duhet të përgjigjet sot!
Shqiptarët kanë të drejtë të mësojnë të VËRTETËN mbi këto pyetje!
