Reali e ka seriozisht, fut “mik” legjendën e Brazilit për Neymar

Real Madrid e ka seriozisht, Perez dëshiron që Neymar Junior të zbarkojë në Madrid këtë verë. E përditshmja “AS” raporton se gjatë kohës që ylli brazilian qëndroi në Rio pas operacionit, një i dërguar i klubin kryeqytetas është takuar të paktën dy herë me brazilianin në shtëpinë e këtij të fundit në Rio De Janeiro.“As” shpjegon më tej se Reali ka gjetur një ndërmjetës shumë të rëndësishëm për të avancuar bisedimet, pikërisht bashkombësin e Neymar, Ronaldo “Fenomenin”. Disa burime zbulojnë se për këtë transferim Reali do të paguajë shifrën rekord 260 milionë euro.Neymar, i cili vijon prej disa javësh fazën e riaftësimit pas operacionit në kavilje, ishte i pranishëm në stadiumin “Saint Denis” për finalen e Kupës së Francës, të cilën PSG e fitoi 2-0 ndaj modestëve të Les Herbiers.