U godit nga rrufeja gjatë ndeshjes, 21-vjeçari ndërron jetë në spital

Futbolli në Afrikën e Jugut është në zi, pasi ka patur një fund të hidhur ngjarja e pazakontë që ka ndodhur në 1 mars gjatë një ndeshje futbolli. Futbollisti 21-vjeçar Luyanda Ntshangase i cili u godit nga një rrufe gjatë lojës pavarësisht se është dërguar me urgjencë në spital nuk ka arritur të mbijetojë, duke humbur jetën pas disa ditësh.Lajmi konfirmohet nga klubi Maritzburg United, i cili njoftoi se futbollisti 21-vjeçar, sulmues, ishte në koma që prej ngjarjes së pazakontë të ndodhur në një ndeshjeje miqësore.Në rrjetet sociale Maritzburg United ka shkruar se klubi është në zi. Ata e përshkruajnë futbollistin si një talent në rritje i cili humbi jetën pas një lufte të gjatë në spital.