Shumë shpejt pritet të arrihet marrëveshja me Shqipërinë për Paktin Detar, kështu ka thënë Ministri i Jashtëm grek Kotzias.
Në një intervistë të dhënë në SKAI, Kotzias ka folur për politikën e jashtme të Greqisë, duke u shprehur optimist nga zhvillimet më të fundit lidhur me raundin e tretë të bisedimeve me Shqipërinë.
“Shpresoj deri në fund të majit të kemi një marrëveshje. Në mos në fund të majit, në fillim të qershorit”, ka thene ai.
Kotzias theksoi se Ministria e Punëve të Jashtme po bën një punë të madhe që do të shihet për disa javë rreth të gjitha çështjeve që lidhen me Ligjin e Detit. “Jemi ne diskutime me Shqipërinë, ekipet tona teknike janë takuar përsëri. Shpresojmë se deri në fund të majit kemi një marrëveshje dhe nëse jo në fund të majit, do te jete ne fillim të qershorit”- tha ai.
