Qyteti i Vlorës është tronditur që në orët e para të mëngjesit nga dy shpërthimi eksplozivësh të vënë dy banesave.
Shpërthimet kanë qenë të vendosura në banesa të ndryshme.
I pari ka ndodhur rreth orës 2:30, në lagjen “Lirim”; pranë derës së banesës së shtetasit Fatjon Bata, 29 vjeç është vendosur lëndë eksplozive, tritol. Nga shpërthimi nuk ka të dëmtuar, vetëm dëme materiale.
Sipas informacioneve te policisë Fatjon Bata 28-vjeç, dyshohet që të jetë shënjestra. Nëna e 28- vjeçarit pas shpërthimit ka përfunduar në spital, për shkak të tronditjes se fortë dhe gjendjes se shokut.
Rreth orës 3:30, në lagjen “15 Tetori”, pranë portës së banesës së shtetasit G.Ç., 69 vjeç, është vendosur lëndë eksplozive, tritol. Nga shpërthimi nuk ka të dëmtuar, vetëm dëme materiale.
Bëhet me dije se kamerat e sigurisë kanë mundur të kapnin dy personat të cilat kanë vendosur tritolin në banesën e fundit.
Familjarët janë te traumatizuar nga kjo ngjarje e shëmtuar, Atyre u ka rënë dera në tokë dhe iu është ndërprerë energjia elektrike menjëherë. Në pamje duken dëmet e shumta materiale në pallat, si rënia e suvasë dhe shkaktimi i disa gropave.
