Buffon ka deklaruar që ky do të jetë sezoni i tij i fundit tek Juventusi, por akoma nuk ka vendosur se çdo të bëjë më pas, do të largohet përfundimisht nga futbolli apo do të kërko0jë një eksperiencë tjetër.
Gigi Buffon është vënë në shënjestër nga Boca Juniors, për mundësinë e transferimit në kampionatin argjentinas, pas përfundimit të këtij sezoni. Sinjalin e parë për një lëvizje të tillë nga Italia në Argjentinë e dha ish-shoku i tij i skuadrës Carlos Teves. Presidenti i Boca Juniors i ka kërkuar Terez që të bindë Buffon për të diskutuar mundësinë e një marrëveshje për sezonin e ardhshëm.
Por edhe trajneri i Boca Juniors Guillerme Schelotto, ish-trajneri në Itali në radhët e Palermos është shprehur se “Angelici më ka thënë se kanë telefonuar Buffon për ta pyetur dhe bisedimet do të rinisin në muajin qershor. Tani jemi shumë të përqendruar për kampionatin”.
Buffon është në fundin e karrierës së tij dhe me shumë gjasa sezonin e ardhshëm nuk do të jetë më në radhët e Juves, edhe pse ende ai nuk është shprehur zyrtarishtr për një gjë të tillë.
