Rikthehet dhe një herë në qendër të vëmendjes, historia e trishtë 15-vjeçares nga Pogradeci e cila tronditi shqiptarët. E pra vetëm një ditë, pas daljes së analizave të ADN-së që vërtetojnë dhe një herë atë që vetë vajza pohoi, se Ligor Biba 55-vjeç nga fshati Velçan është i ati i fëmijës së 15-vjeçares.
Ka qenë 15-vjeçarja ajo e cila e akuzoi se e përdhunoi dhe e la shtatzënë vitin që shkoi, familja e tanimë tregon se ndihen të kërcënuar. Biba u arrestua në muajin tetor të vitit 2017 pas denoncimit nga 15-vjeçarja.
Kanë kaluar rreth 6 muaj nga ngjarja e rëndë që tronditi Pogradecin, ku 55-vjeçari Ligor Biba u arrestua nga policia për përdhunimin dhe lënien shtatzënë të fqinjës së tij të mitur vetëm 15-vjeç.
Fëmija që erdhi si rezultat i një marrëdhënie seksuale me dhunë sot është në jetimore.
Vajza tregon se është në ankth dhe ka frikë për jetën e saj, ndërsa është privuar dhe nga frekuentimi i shkollës.
“Fëmijën e çova në jetimore. Unë atë njeri nuk e fal. Jam shumë në ankth dhe kam frikë mos me vrasin. Nuk shkoj as në shkollë nga frika. Nuk dua te me vijnë më njerëzit e tij në shtëpi dhe të më ofrojnë lekë për ta falur”.
Ndërsa e ëma e saj tregon se u njohën të hënën me përgjigjet e analizave të ADN. Ajo thotë se njerëzit e Ligorit u shkojnë vazhdimisht në shtëpi duke u ofruar para që ta falin.
“Përgjigjet e analizave i mësuam dje. Njerëzit e Ligorit na vijnë shpesh në shtëpi. Kërkojnë të na japin lekë që ti falim. Ndihemi të kërcënuar. Nëse i ndodh gjë familjes time do vendos vete drejtësinë mbi atë njeri”,ka raportuar Ora News.
Ligor Biba u arrestua nga policia e Pogradecit me 15 tetor të një viti më parë, pas denoncimit që e mitura bëri ndaj tij në një kohë që ishte në muajin e tetë të shtatzanisë.
Dje analizat e ADN-së i vërtetuan atësinë e foshnjës. Biba gjatë marrjes në pyetje kishte mohuar akuzat duke kërkuar me insistim analizat e ADN-së.
Por pas lindjes, janë marrë mostra gjaku të foshnjës dhe të akuzuarit për analizat e ADN-së nga ku ka rezultuar se Ligor Biba është babai i fëmijës.
Tashmë të arrestuarin e pret dënimi me akuzën e përdhunimit të 15-vjeçares.
