Kryeministri Rama ka bërë publik dje faktin se nëna e tij, Aneta Rama, po përballet me një sëmundje shumë të vështirë. I pranishëm dje në ceremoninë e dorëzimit të titullit “Nderi i Stomatologjisë Shqiptare”, dhënë nga Urdhri i Stomatologut për Aneta Ramën, në 100- vjetorin e këtij shërbimi në Vlorë, kreu i qeverisë ka shpjeguar arsyen e mungesës së saj në marrjen e këtij titulli.
“Urdhri i Stomatologut nderon nënën time, Anetën, e cila e kishte të pamundur të ishte e pranishme, sepse prej disa kohësh është në një përpjekje jo të lehtë, me një sëmundje shumë të vështirë. Më takon mua që në emër të saj, të falënderoj nga zemra këdo që pati mirësinë të kujtohet për figurën dhe kontributin e saj në këtë fushë, si një ndër gratë e para që shkulën dhëmbët e burrave në Shqipëri”, u shpreh kreu i qeverisë.
Por këtë deklaratë e ka komentuar deputeti demokrat Edi Paloka, i cili mesa duket e sheh si një përpjekje të kryeministrit për të përfituar duke ngjallur mëshirë me rolin e viktimës.
Ja çfarë shkruan Paloka në postimin e tij në FB:
“I turpshem ne cdo akt qe ndermerr…Kur nuk ben dot “te fortin” dhe arrogantin, luan rolin e viktimes qe te ngjalle meshiren e te tjereve.
Per hir te karriges eshte gati te perdore dhe familjen madje dhe duke sajuar situata te paqena sic beri ne emisionin e Eni Vasilit apo dje ne Vlore”.
