Seancat plenare në Kuvendin e Shqipërisë shpesh dalin përtej kornizës së diskutimeve mes palëve duke degjeneruar në përplasje fizike. Panorama që u reklamua sot në Kuvendin e Shqipërisë nuk është e vetmja pasi të shumta kanë qenë precedentët ku dhuna është bërë objekt bisede në Kuvendin e Shqipërisë.
Periudha e qeverisjes së Kryeministrit Edi Rama është ndikuar gjithmonë me acarime të cilat kanë degraduar deri në dhunë fizike mes deputetëve. Por situatat alarmante janë përshkallëzuar pasi Edi Rama fitoi pushtetin me 74-mandate në zgjedhjet e 25 qershorit 2017-të. Ndërkohë Partia Demokratike së bashku me Lëvizjen Socialiste për Integrim kanë qenë të ashpër kundrejt mënyrës sesi ka qeverisur Partia Socialiste, tashmë e vetme në pushtet .
Ndër përplasjet më të ashpra në Kuvend spikat përleshja fizike mes deputetit, Gent Strazimiri dhe përfaqësueseve të mazhorancës, Pjerim Ndreu dhe Arben Ndoka. Deputetët e Partisë Socialiste, Ndreu dhe Ndoka goditën Strazimirin në korridoret e Kuvendit.
Më pas një precedent tjetër agresiv në institucionin e demokracisë daton më 16 shkurt 2017-të ku deputeti Flamur Noka goditi me letër kolegun e tij Erion Braçe.
Po ashtu ndër ngjarjet më të bujshme ku seanca parlamentare është kthyer në një “shesh beteje” midis opozitës dhe mazhorancës është padyshim 19 dhjetori i 2017-s ku kryetarja e LSI-së, Monika Kryemadhi goditi kryeministrin Rama me çizme. Një gjest që mori vëmendjen e të gjithë politikës dhe medieve jo vetëm në Shqipëri por edhe më gjerë.
Më pas vijmë në ditën e sotme ku ripërsëritet i njëjti fenomen ku kryefjalë bëhet dhuna duke u ndërprerë seanca plenare plot 5 -herë nga kryetari i Kuvendit, Gramoz Ruçi. Ajo që bie në sy sot është numri i lartë i deputetëve të cilët u bën protagonistë në këtë manifestim opozitar në ambientet e institucionit demokratik në vend.
