Të kesh një vëlla ose një motër është një bekim nga Zoti, bekim ishte dhe për Xhesika Majollarin, vëllai i saj.
Ajo donte ta shihte vëllain dhëndër dhe e kishte pikë të dobët një gjë të tillë, por fati i keq deshi që ta shihte të tillë për në banesën e fundit…
Motra Xhesika i shkruante gjithnjë Marios që të gjente ndonjë nuse, por…
Mario Majollari ishte 28-vjeçari i vrarë mbrëmjen e së martës pranë shtëpisë nga 40-vjeçari Kastriot Gjuzi, që dyshohet se e ekzekutoi për hakmarrje, pasi babai i të riut i kishte vrarë të vëllanë plot 18 vite më parë.
I riu, i cili kishte ëndrra dhe që ishte pika e dobët e shtëpisë, fatkeqësisht jeta iu ndërpre në mes.
E ndërsa dje u përcoll për në banesën e fundit, ku nëna dhe motra e tij mbërthyen arkivolin për të mos e lënë të ikte, por e kotë rruga e tij tashmë ishte për diku tjetër.
Dhimbja e madhe e plaga e shpirtit e bërë copash do ta shoqërojë gjatë gjithë jetës, aq më tepër që do të kalojë çdo ditë në rrugicën ku dora gjakatare e pamëshirshme i mori jetën të birit, të cilin e kishte e rritur e vetme dhe mes mundimesh.
E ku mund të këtë dhimbje më të madhe se humbja e fëmijës për një nënë.
E motra Xhesika që ishte ndër të parët që e pa të vëllanë pak pas ekzekutimit, të paktën ashtu siç pohonin fqinjët, ka ndryshuar foton e profilit. Shumë kujtime që në vegjëli dhe lidhja e fortë vëlla e motër që u këput vetëm fizikisht…
Ajo ka postuar një foto ku shihen vëlla e motër në moshë të vogël sikur donte ta stoponte kohën në atë moment por që është e pamundur siç është dhe dhimbja e madhe që ndjen për vëllain e saj.
Një histori prekëse por tipike shqiptare, që edhe pas shumë sakrificash bërë nga e ëma e cila ishte ndarë që kur i biri ishte dy vjeç nga bashkëshorti i saj Avni Majollarit. Por krimet e këtij të fundit i pagoi me jetë i biri…
