Lionel Messi ka shprehur dëshirën që talenti i Ajaxit, Justin Cluivert ti bashkohet ekipit të Barcelonës. Ai është djali i Patrick Kluivert dhe këtë vit po shkëlqen në kampionatin holandez, që ka bërë edhe të jetë në shënjestrën e gjigantëve të Europës. Ndërsa 18-vjeçari është këshilluar që të qëndrojë tek Ajax dhe të vazhdojë rritjen e tij, United dhe Barcelona duket se janë gati t’i shpallin luftë njëra-tjetrës për të siguruar shërbimet e tij.
Ndërkohë, sipas spanjolles “Don Balon”, komentet e portugezit janë konsideruar si një ofertë e vërtetë që Kluivert të transferohet në “Old Trafford”. Jose Mourinho ka thënë se do të donte ta kishte në dispozicion Kluivert në të ardhmen.
Por sulmuesi i ri ka pranuar këtë javë se ëndrra e tij është Barcelona. Messi e do në “Camp Nou” që tani dhe duket se e ka kontaktuar holandezin në fillimin e 2018-ës. Tani pritet që Kluivert t’i kërkojë klubit që ta lërë të lirë të largohet dhe të luajë në krah të super yllit argjentinas.
Por kjo dëshirë e Messi-t mund të krijojë pakënaqësi brenda Barcelona-s. Sipas “Don Balon”, Ousmane Dembele është i shqetësuar se një kalim i mundshëm i holandezit te katalanasit do të ishte një pengesë për të. Francezi nuk po shkëlqen te Barça dhe nëse holandezi do të merret, ai mund të kërkojë të largohet verën e ardhshme.
