Të martën në mbrëmje Argjentina u turpërua nga Spanja me rezultatin e thellë dhe historik 6-1. Në fushën e lojës nuk ka qenë Lionel Messi, për shkak të një dëmtimi ai e ka ndjekur ndeshjen nga tribuna bashkë me Lanzinin. Por ndërkohë që ekipi i tij po turpërohej në fushë dhe pësoi golin e gjashtë, Messin nuk e mbajnë më nervat dhe vendos të largohet nga stadiumi. Në shkallët e “Ëanda Metropolitanos” ishte i pranishëm edhe Busquets, por edhe pse luajnë të dy te Barcelona, këtë herë vendosën të qëndronin larg njëri-tjetrit.
Jorge Valdano, ish-sulmues dhe trajner i Realit ka komentuar humbjen e Argjentinës. Lojtari që ka fituar Kupën e Botës në vitin 1986 thotë se nuk dëshiron të jetë në vendin e Sampaolit, të cilin tani do ta masakrojnë. “Argjentina luajti shumë keq, por ishte një ndeshje miqësore.
Nuk do të doja të isha në vendin e trajnerit Sampaoli në këto momente, të cilit do t’i bëhet një gjyq tani. Nga ky moment dhe deri në fillimin e Botërorit, skuadra do të kritikohet shumë dhe nuk është situata e duhur për ta përgatitur këtë kompeticion të rëndësishëm”, tha Valdano.
