Shqipëria u mposht nga Norvegjia me rezultatin e ngushtë 1-0 në “Elbasan Arena” dhe sipas trajnerit Christian Panucci kjo humbje erdhi si pasojë e formës së dobët fizike të lojtarëve. “Ndërruam skemën dy herë, por nuk ia dolëm të merrnim një rezultat pozitiv. Bëmë shumë pak për ta fituar ndeshjen. Keni dëshirë për të fituar… Kemi shumë lojtarë që nuk janë mirë fizikisht dhe kjo u pa, sepse kjo e bëri diferencën në fushë”, tha Panuçi pas ndeshjes për “Superspert”.
Ndërrimi në mesfushë për çfarë shërbeu në fund të pjesës së parë?
Nuk e di se çfarë ndeshjeje keni parë, por ne kemi luajtur 4-3-3. Në pjesën e dytë luajtëm 4-3-1-2.
Asnjë gjuajte në portë… Çfarë ndjesie ju jep ky fakt?
E thashë që krijuam shumë pak, sepse kemi shumë lojtarë që nuk janë mirë, por gjithsesi mora sinjale pozitive dhe negative.
Kur nuk janë lojtarët mirë fizikisht, atëherë pse merrni këta lojtarë?
Sepse ne kemi 200 lojtarë në dispozicion. Unë kërkoj të jem në mbështetje të lojtarëve. Po të ishim në formën e duhur fizike, do të kishim një tjetër lojë.
Çfarë përfituat nga kjo ndeshje miqësore?
Të rinjtë debutues bënë një ndeshje të mirë. Ramadani dhe Bare ishin mirë. Bëmë një ndeshje të brishtë në aspektin defensiv. Luftuam mirë, por Ajeti, Mavraj dhe Sadiku po luajnë pak dhe kjo ndikon. Pozicioni i Qakës dhe Xhakës… duhej ta merrnin topin në vijat e linjës së mbrojtjes, por nuk funksionoi… Topin e përpunonte Ramadani dhe dy mesfushorët e tjerë duhet ta merrnin pak më lart topin. Topi duhet të kalonte menjëherë në krah por kjo ndodhi vetëm dy herë…
