Një super mami si Ivanoviç, çifti i sportit bëhen me djalë (Foto)

Dashuria mes tenistes së famshme serbe, Ana Ivanoviç dhe futbollistit gjerman Bastian Schweinsteiger është kurorëzuar me një djalë. Çifti i famshëm i sportit ka sjellë në jetë fëmijën e tyre të parë, që është një djalë dhe do të quhet Luka.

Nëpërmjet postimeve në rrjetet sociale tenistja e famshme nuk e ka fshehur aspak gëzimin e të bërit nënë për herë të parë. Luka lindi në 17 mars në Çikago dhe gëzon shëndet të mirë.

Në shtatorin e vitit 2014 Ivanoviç dhe Schweinsteiger filluan të takohen së bashku dhe në 12 korrik 2016 u kurorëzuan në martesë. Një vit pas martesës çifti njoftoi sedo të bëheshin prindër. Tani në moshën 30 vjeçare, Ivanoviç ka mundësi që të mos mendojë më aq shumë për tenisin.